Proffil y swydd

Math o Gontract: Parhaol

Oriau: 25 awr yr wythnos

Lleoliad y swydd: Y Ganolfan Ddinesig Port Talbot

Galluogi cymunedau a sefydliadau i ddatblygu cyfleodd a chyfleusterau chwarae cynaliadwy, o safon i blant a phobl ifanc, yn unol ag Asesiad o Ddigonolrwydd Cyfleoedd Chwarae a Strategaeth Chwarae Castell-nedd Port Talbot. 

Prif ddyletswyddau a chyfrifoldebau’r swydd;

• Defnyddio Asesiad o Ddigonolrwydd Cyfleoedd Chwarae a Strategaeth Chwarae Castell-nedd Port Talbot i nodi blaenoriaethau, gweithio gyda chymunedau/cynghorau cymuned/adrannau'r cyngor etc. er mwyn datblygu cyfleoedd chwarae i blant a phobl ifanc.
• Hybu a hyrwyddo chwarae i blant.
• Gweithio gyda phlant, rhieni a sefydliadau i nodi anghenion chwarae plant a phobl ifanc nad ydynt wedi'u diwallu, a lle bynnag y bo modd, helpu i fynd i'r afael â'r anghenion hynny.
• Mynd ati i geisio cyfleoedd datblygu i wella mynediad plant a phobl ifanc i chwarae.
• Cynllunio a chyflwyno hyfforddiant a gweithdai chwarae, gan gynnwys asesiad ar gyfer achrediad, os oes angen.
• Cefnogi darparwyr chwarae i annog amrywiaeth o fathau o chwarae a phrofiadau chwarae yn eu lleoliadau (lleoedd a lleoliadau dan oruchwyliaeth), gan gynnwys cyfleodd am brofiadau heriol.
• Darparu gwybodaeth, cyngor a chefnogaeth i fentrau lleol.
• Helpu i recriwtio a chefnogi staff a gwirfoddolwyr i gyflwyno prosiectau/darpariaeth chwarae.
• Darparu goruchwyliaeth a chefnogaeth effeithiol i staff a gwirfoddolwyr achlysurol, yn ôl y galw.
• Cefnogi Swyddog Cyfranogiad a Chynnwys y Bartneriaeth Teulu'n Flaenaf er mwyn hwyluso cyfleoedd i blant a phobl ifanc ymwneud â'r penderfyniadau a wneir ar chwarae, gan gynnwys cefnogi Arwyr Chwarae.
• Sicrhau y gellir mesur effaith y gwaith a wneir a gwerthuso cynnydd yn rheolaidd.
• Mynd i gyfarfodydd Grŵp Gweithredu'r Strategaeth Chwarae, yn ôl y galw, i roi adroddiadau am waith a chynnydd.
• Sicrhau y cynhelir asesiadau blynyddol o fannau chwarae mewn safleoedd lle ceir cyfarpar sefydlog, gan weithio gyda pherchnogion/rheolwyr ardaloedd chwarae i'w cefnogi i wneud hyn a chynnal asesiadau yn ôl y galw.
• Diweddaru systemau mapio GIS yn ôl y galw i adlewyrchu ansawdd a swm y ddarpariaeth chwarae yn CNPT.
• Cyfrannu at adroddiadau cynnydd blynyddol i'r cyngor a Llywodraeth Cymru.
• Mynd ati i geisio cyfleoedd ar gyfer cyllid ychwanegol i helpu i ddiwallu anghenion chwarae nad ydynt wedi'u diwallu a/neu wella ansawdd chwarae, a chyflwyno ceisiadau lle y bo'n bosib.
• Prynu adnoddau etc. yn unol â chyfyngiadau cyllidebol.
• Cyflawni'r holl ddyletswyddau gweinyddol mewn perthynas â'r gwaith.
• Cyflawni'r fath ddyletswyddau y gallant fod yn ofynnol o bryd i'w gilydd i sicrhau perfformiad effeithiol yr adran.
• Cymryd rhan weithredol wrth gefnogi egwyddorion ac arfer cyfle cyfartal fel y'u nodir ym Mholisi Cyfle Cyfartal yr awdurdod.

Profiad Gwaith

• Profiad profedig o drefnu a gweinyddu gwaith
• Profiad o gyflwyno hyfforddiant neu weithdai
• Profiad blaenorol o weithio i gyllideb

Addysg a hyfforddiant

• Cymhwyster gwaith chwarae perthnasol a/neu brofiad profedig o weithio mewn lleoliad chwarae gyda phlant a phobl ifanc
• 4 TGAU, neu gyfwerth, gradd C neu uwch, y mae'n rhaid i un ohonynt fod yn Saesneg
• Cymhwyster Lefel 3 mewn Gwaith Chwarae (bydd gofyn i unrhyw ymgeisydd hebddo gyflawni'r cymhwyster hwn yn ystod ei gyflogaeth)
• Cymhwyster Paratoi i Addysgu yn y Sector Dysgu Gydol Oes (PTLLS) neu gyfwerth (bydd gofyn i unrhyw ymgeisydd hebddo gyflawni'r cymhwyster yn ystod ei gyflogaeth)

Am drafodaeth anffurfiol, cysylltwch â Sophie Ratcliffe

Ffoniwch: 01639 873003 neu

e-bostiwch: s.ratcliffe@npt.gov.uk

Gofynion GDG:

Mae'r swydd hon yn amodol ar ddatgeliad manwl gan y GDG an enhanced with child barred list DBS disclosure

Mae Cyngor Castell-nedd Port Talbot yn gwbl ymrwymedig i ddiogelu a hyrwyddo lles plant a phobl ifanc/oedolion sy'n agored i niwed ac yn disgwyl i'r holl staff a gwirfoddolwyr rannu'r ymrwymiad hwn. Mae gan ein hysgolion/gweithwyr yr un ymroddiad i sicrhau bod ein holl blant a phobl ifanc/oedolion diamddiffyn yn cael eu diogelu a'u hamddiffyn a byddant yn gweithredu i ddiogelu eu lles.

Wrth wraidd y broses recriwtio ar gyfer y swydd hon fydd asesiad recriwtio mwy diogel trylwyr i sicrhau bod plant a phobl ifanc yn cael eu hamddiffyn.

Mae sgiliau Cymraeg yn ddymunol.

Gellir cyflwyno ceisiadau yn Gymraeg. Ni chaiff ceisiadau a gyflwynir yn Gymraeg eu trin yn llai ffafriol na chais a gyflwynir yn Saesneg.

Rydym yn cynnig cynllun cyfweliadau gwarantedig i ymgeiswyr ag anabledd a chyn-filwyr y lluoedd arfog.

Yn Nhîm CNPT, rydym i gyd yn gweithio gyda'n gilydd i wasanaethu pobl, cymunedau a busnesau Castell-nedd Port Talbot.

Rydym yn ymrwymedig i ddarparu cyfleoedd hyfforddi a datblygiad proffesiynol i'n holl weithwyr.

Edrychwn ymlaen at eich croesawu i Dîm CNPT.